Haqqımızda

Heydər Əliyev Beynəlxalq Aeroportu nüfüzlu “Skytrax World Airport Awards 2022” agentliyinin qiymərləndirməsinə görə Mərkəzi Asiya və MDB üzrə ardıcıl olaraq beşinci dəfədir ki, ən yaxşı hava limanları reytinqinə başçılıq edir, həmçinin bu il ilk dəfə olaraq daha bir mühüm nominasiyada – “Mərkəzi Asiya və MDB üzrə ən yaxşı hava limanı heyəti” nominasiyasında qalib olmuşdur.

"Azərbaycan Hava Yolları" və ölkənin aşağıbüdcəli aviaşirkəti “Buta Airways” beynəlxalq “Skytrax 2022 World Airline Awards” nominasiyaları üzrə - “Mərkəzi Asiyanın və MDB-nin ən yaxşı regional aviaşirkəti” və “Mərkəzi Asiyanın və MDB-nin ən yaxşı aşağıbüdcəli aviaşirkəti" mükafatlarına layiq görülüb.

Zəngilan Beynəlxalq Hava Limanının açılışı olub.

“Azərbaycan Hava Yolları” QSC-nin əməliyyat fəaliyyətinin təkmilləşdirilməsi və əməliyyat xərclərinin optimallaşdırılması istiqamətlərində “McKinsey” beynəqxalq konsultasiya şirkəti ilə birgə 2023-2030-cu illəri əhatə edən Strateji İnkişaf planı hazırlanmışdır.

“Azərbaycan Hava Yolları” QSC ilk dəfə maliyyə hesabatları üzrə xalis mənfəət əldə etmişdir.

Heydər Əliyev Beynəlxalq Aeroportu COVID-19-a qarşı təhlükəsizlik tədbirləri üzrə ən yüksək reytinqə layiq görülmüşdür.

Gəncə Beynəlxalq Hava limanına yeni IATA kodu verilmişdir.

Füzuli Beynəlxalq Hava Limanının açılışı baş tutub.

Üzunmüddətli fasilədən sonra Qarabağ səmasında milli naviqasiya sistemlərinin radioçağırış siqnalları yenidən ötürülmüşdür. Bu siqnalları ilk dəfə Azərbaycan Milli daşıyıcısının (AZAL) təyyarələri qəbul etmişdir.

“Azərbaycan Hava Yolları” sərnişin aviaşirkəti, aviasiya analitik-sorğu nəşri olan Official Airline Guide (OAG) görə 2019 -cu ildə Avropanın ən punktual aviaşirkəti kimi tanınmışdır.

Heydər Əliyev Beynəlxalq Aeroportu dünyanın bulud texnologiyalarına tamamilə keçən ilk hava limanı olmuşdur.

Heydər Əliyev Beynəlxalq Aeroportu “Skytrax” tərəfindən verilən “Rusiya və MDB ölkələrinin hava limanları arasında ən yaxşı hava limanı” statusunu təsdiq etmişdir.

Böyük Britaniyanın konsaltinq şirkəti “Skytrax” “Azərbaycan Hava Yolları” sərnişin aviaşirkətinin nüfuzlu “4 ulduz” reytinqini təsdiq etmişdir.

ICAO Füzuli Beynəlxalq Hava Limanının beynəlxalq məkan indeksləri kataloquna daxil edilməsi barədə Dövlət Mülki Aviasiya Administrasiyasının müraciətini təsdiq etmişdir.

Heydər Əliyev Beynəlxalq Aeroportu Böyük Britaniyanın Skytrax şirkəti tərəfindən MDB ölkələrinin və Rusiyanın hava limanları arasında ən yaxşısı kimi tanınıb.

Heydər Əliyev Beynəlxalq Aeroportu Skytrax tərəfindən “5 Ulduz” kateqoriyasına layiq görülüb.

Heydər Əliyev Beynəlxalq Aeroportunda Azərbaycan Hava Məkanına Nəzarət və Səmərəlilik Mərkəzinin (ASEC) rəsmi açılışı olub.

“Azərbaycan Hava Yolları” sərnişin aviaşirkəti Skytrax tərəfindən Mərkəzi Asiya və Hindistanda ən yaxşı regional aviaşirkət kimi tanınıb. Böyük Britaniyanın Skytrax konsaltinq şirkəti 2018-ci ildə “Azərbaycan Hava Yolları” sərnişin aviaşirkətinin nüfuzlu 4 Ulduz reytinqini təsdiqləyib.

Skytrax Heydər Əliyev Beynəlxalq Aeroportunu Rusiya və MDB ölkələrinin bütün hava limanları arasında ən yaxşısı adlandırıb.

AZAL QSC-nin tərkibinə daxil olan loukoster “Buta Airways” uçuşları həyata keçirməyə başlayıb.

Azərbaycan Amerika Birləşmiş Ştatları ilə “Open Skies” sazişi imzalamışdır.

Naxçıvan Beynəlxalq Hava Limanı yenidən qurulmuşdur. Hava limanında ilk dəfə teleskopik traplar qurulmuşdur.

AZAL QSC-nin tərkibində Azərbaycanın ilk aşağıbüdcəli aviaşirkətinin –“Buta Airways” aviaşirkətinin yaradılması barədə qərar qəbul edilib.

"Azərbaycan Hava Yolları" hava gəmiləri parkına müasir Boeing 787-8 Dreamliner təyyarələrini əlavə etmişdir.

Böyük Britaniyanın dünyaca məşhur və aviaşirkətlərin xidmət keyfiyyətinin qiymətləndirilməsi sahəsində ən mötəbər konsaltinq şirkəti “Skytrax” Azərbaycanın milli aviadaşıyıcısına və Heydər Əliyev Beynəlxalq Hava Limanına nüfuzlu "4 ulduz" reytinqi vermişdir.

Heydər Əliyev Beynəlxalq Hava Limanının yeni aerovağzal kompleksi (Terminal 1) istifadəyə verilmişdir.

"Azərbaycan Hava Yolları" Braziliya istehsalı olan Embraer 190 və Embraer 170 reaktiv təyyarələri almışdır.

"Azərbaycan Hava Yolları" Bakıdan Nyu-Yorka müntəzəm transatlantik uçuşlar yerinə yetirməyə başlamışdır.

"Azərbaycan Hava Yolları" Airbus A340-500 uzaq magistrallı sərnişin təyyarələri almışdır.

“Azərbaycan Hava Yolları” Qapalı Səhmdar Cəmiyyətinin “Azəraeronaviqasiya” Hava Hərəkəti İdarəsinin Hava Hərəkətinin İdarəedilməsi Baş Mərkəzinin yeni binasının açılışı olmuşdur.

"Azərbaycan Hava Yolları" "Boeing 767-300ER" tipli təyyarələri almışdır.

Avropa İqtisadiyyat, Sənaye və Ticarət Palatası (EEIG) "Azərbaycan Hava Yolları" QSC-yə Avropa Xidmət Standartı vermişdir.

Əsaslı yenidənqurmadan sonra Zaqatala və Lənkəran hava limanları beynəlxalq status almışdır.

Azərbaycan Prezidentinin sərəncamı ilə "AZAL" dövlət konserni yenidən formalaşdırılaraq "Azərbaycan Hava Yolları" QSC adlandırılmışdır.

Gəncə Beynəlxalq Hava Limanı yenidən qurulmuşdur.

Heydər Əliyev Beynəlxalq Hava Limanında yeni yük terminalı (Baku Cargo Terminal) açılmışdır.

Prezident İlham Əliyevin qərarı ilə "Binə" Hava Limanı "Heydər Əliyev Beynəlxalq Hava Limanı" adlandırılmışdır.

Naxçıvan şəhərindəki hava limanı beynəlxalq hava qovşağı statusu almışdır.

2000-ci ildə "Azərbaycan Hava Yolları" ilk Boeing 757-200 model təyyarələr almışdır.

1999-cu ildə Bakı hava limanında yeni beynəlxalq terminal açılmışdır.

1997-ci ildə "Azərbaycan Hava Yolları"-nın tərkibində AZALOIL müəssisəsi yaradılmışdır.

1996-ci ildə "Azərbaycan Hava Yolları" konserninin tərkibində "Azəraeronaviqasiya" hava hərəkətinin idarəedilməsi mərkəzi yaradılmışdır.

1992-ci ilin aprelində müstəqillik əldə etdikdən sonra Respublika hökumətinin qərarı ilə Azərbaycanda aviasiya üzrə dövlət orqanı - "Azərbaycan Hava Yolları" Dövlət Konserni yaradılmışdır.